tdp leaders shock to chandrababu

అధికార దాహంతో, విలువలకు తిలోదకాలిచ్చి, నమ్మిన వారిని నట్టేట ముంచి, విచక్షణా రహితంగా చేసిన తప్పులు ఇప్పుడు టీడీపీ అధినేత చంద్రబాబునాయుడ్ని

నీడలా వెంటాడుతున్నాయి. అపర చాణక్యుడిగా తెలుగు తమ్ముళ్లు చెక్క భజన చేసిన చంద్రబాబు ఇప్పుడు చక్రబంధంలో ఇరుక్కున్నారు. గతంలో చంద్రబాబు చేసిన పాపాలు, ఇప్పడు సైకిల్ పార్టీకి శాపాలుగా మారుతున్నాయి. నీవు నేర్పిన విద్యయే నీరజాక్షా.. అన్న చందంగా నిన్నటి వరకు అధినేతకు జై కొట్టిన టీడీపీ రాజ్యసభ ఎంపీలు, ఇప్పుడు సైకిల్ పంక్చర్ అవడంతో కాషాయ కండువా కప్పేసుకుని చంద్రబాబుకు టాటా చెప్పేశారు. ఐదుగురు టీడీపీ రాజ్యసభ ఎంపీలలో నలుగురు బీజేపీ పార్లమెంటు పార్టీలో విలీనమయ్యేందుకు ఆమోదం తెలుపుతూ, రాజ్యసభ ఛైర్మన్ వెంకయ్యనాయుడుకి లేఖ ఇచ్చేశారు.

దీంతో తెలంగాణతో పాటూ రాజ్యసభలో కూడా టీడీపీ దుకాణం బంద్ అయిపోయింది. ఏపీ రాజకీయాల్లో దీన్ని ఒక కీలక పరిణామంగా భావించక తప్పదు. ఒకరకంగా చెప్పాలంటే, ఎన్నికల్లో ఓడిన తర్వాత చంద్రబాబు నాయుడుకు బీజేపీ హైకమాండ్ చుక్కులు చూపించేందుకు ట్రైలర్ స్టార్ట్ అయ్యిందనే భావించాలి. ప్రత్యర్ధులు విసిరే సవాళ్లను ఎదుర్కోవడంలో తనకు ఎవరూ సాటిలేరని, ఫార్టీ ఇయర్స్ ఇండస్ట్రీ అంటూ తెగ బిల్డప్ లు ఇచ్చుకునే చంద్రబాబు కమలనాధులు సంధిస్తున్న బాణలతో చేష్టలుడిగి, విలవిలలాడిపోతున్నారు. అసలే ఓటమి భారంతో కుంగిపోయిన బాబు అండ్ కో ఇటు ఏపీ సీఎం జగన్ దూకుడ్ని, అటు బీజేపీ పన్నుతున్న వ్యూహాలను తట్టుకోలేక చెట్టుకొకరు, పుట్టకొకరు అన్న చందంగా దిక్కుతోచక అయోమయంలో కొట్టుమిట్టాడుతున్నారు. ప్రస్తుతం టీడీపీ ఎదుర్కుంటున్న ఈ దయనీయ స్ధితికి చంద్రబాబు స్వయంకృత అపరాధాలే ప్రధాన కారణమని విశ్లేషకులు అభిప్రాయపడుతున్నారు.  

మెజార్టీ ఎమ్మెల్యేలు ఎంపీలు తనకు మద్దతివ్వడంతో తాను ఏం చేసిన చెల్లుతుందన్న బరితెగింపుతో చంద్రబాబు చేసిన అరాచకాలు అన్నీ, ఇన్నీ కావని ఆయన ప్రత్యర్ధులు గత చరిత్రను తిరగదోడుతున్నారు. ప్రస్తుతం టీడీపీకి చెందిన మెజారిటీ రాజ్యసభ సభ్యులు బీజేపీలో విలీనమైన తరుణంలో గతంలో ఇదే తరహాలో చంద్రబాబు నడిపిన కుట్ర రాజకీయాల తీరును వారు గుర్తు చేస్తున్నారు. 1995లో అన్న ఎన్టీఆర్ ను వెన్నుపోటు రాజకీయాలతో గద్దెదించడమే కాకుండా, టీడీపీని హస్తగతం చేసుకున్న చంద్రబాబు తప్పులు ఇప్పుడు ఆయనను నీడలా వెంటాడుతున్నాయి. ఆగస్టు సంక్షోభ సమయంలో ఎన్టీఆర్ ను పదవీచ్యుతుడ్ని చేయడమే కాదు... 2014లో ఎన్నికల్లో గెలిచిన తర్వాత అనైతికంగా వైసీపీ ఎమ్మెల్యేలను టీడీపీలో చేర్చుకున్న తీరుకూడా ఇప్పడు టీడీపీకి శాపంగా మారింది. మీరు చేస్తే పవిత్రం... మేము చేస్తే అపవిత్రమా అంటూ ప్రస్తుతం కమలనాధులు చంద్రబాబునాయుడ్ని నిలదీస్తున్నారు. దీంతో నోరు మెదపలేని స్ధితిలో మొక్కుబడిగా విమర్శలు చేస్తూ, టీడీపీ నేతలు మిన్నకుండిపోయారు.

గతంలో చంద్రబాబు నాయుడు తన మంది, మార్బలాన్ని చూసుకుని చేసిన తప్పులు ఒకటి, రెండూ కాదు... లెక్కలేనన్ని తప్పులు చేసి, సత్య హరిశ్చంద్రుడికి తమ్ముడిలా గొప్పలు చెప్పుకునే చంద్రబాబు... నాడు చేసిన తప్పులకు నేడు అసలుతో పాటూ వడ్డీతో సహా మూల్యం చెల్లించుకుంటున్నారని ఆయన బాధిత సంఘం దుమ్మెత్తి పోస్తోంది. చంద్రబాబు గతంలో చేసిన తప్పులు, ఇప్పుడు వాటి పర్యవసానాలను అనుభవిస్తున్న తీరును చూస్తే చాలా వింతగా ఉంటుంది. 

 

నాడు... నేడు

  • నాడు... టీడీపీ వ్యవస్ధాపక అధ్యక్షుడు ఎన్టీఆర్ కు వెన్నుపోటు పొడిచి, 1995లో చంద్రబాబు టీడీపీని హస్తగతం చేసుకున్నారు.
  • నేడు... చంద్రబాబుకు వెన్నుపోటు పొడిచి టీడీపీ రాజ్యసభ ఎంపీలు నలుగురు బీజేపీలో చేరిపోయారు.
  • నాడు... అన్న ఎన్టీఆర్ ముఖ్యమంత్రి హోదాలో యూరప్ టూర్ లో ఉన్నప్పుడు చంద్రబాబు స్కెచ్ వేసి, ఆయనను గద్దె దించడానికి రంగం సిద్ధం చేశారు.
  • నేడు... చంద్రబాబు యూరప్ టూర్ లో ఉన్నప్పుడు, టీడీపీ రాజ్యసభ ఎంపీలు బీజేపీ కండువా కప్పుకున్నారు.
  • నాడు... అసెంబ్లీ స్పీకర్ గా యనమల రామకృష్ణుడుని అడ్డం పెట్టుకుని, చంద్రబాబు మెజారిటీ సభ్యుల బలంతో ఎన్టీఆర్ ను దెబ్బకొట్టారు
  • నేడు... కేంద్రంలో అధికారంలో ఉన్న బీజేపీ... టీడీపీకి చెందిన మెజారిటీ రాజ్యసభ ఎంపీల నిర్ణయంతో రాజ్యసభ ఛైర్మన్ వెంకయ్య నాయుడు ద్వారా విలీన ప్రక్రియను పూర్తి చేసింది. 
  • నాడు... 70ఏళ్ల వయస్సులో ఎన్టీఆర్ పై వెన్నుపోటు రాజకీయాలను చంద్రబాబు ప్రోత్సహించారు.
  • నేడు... టీడీపీ అధినేత చంద్రబాబుకు కూడా ప్రస్తుతం 70ఏళ్లు నిండిన తరుణంలో ఆయనపై సొంత పార్టీకి చెందిన రాజ్యసభ ఎంపీలు తిరుగుబాటు చేశారు.
  • నాడు... 2014లో టీడీపీ అధికారంలోకి వచ్చిన వెంటనే వైసీపీ ఎంపీ ఎస్పీవై రెడ్డితో పాటు మరో ఇద్దరు వైసీపీ ఎంపీలు టీడీపీ కండువా కప్పుకున్నారు. 23 మంది వైసీపీ ఎమ్మెల్యేలను కూడా టీడీపీలో చేర్చుకుని, వారిలో నలుగురికి నిబంధనలకు విరుద్ధంగా మంత్రి పదవులు ఇచ్చారు.
  • నేడు... కేంద్రంలో అధికారంలో ఉన్న బీజేపీ చంద్రబాబు అనుసరించిన వ్యూహాన్ని ఫాలో అవుతూ టీడీపీ రాజ్యసభ సభ్యులను తమ వైపు లాగేసుకుంది.
  • నాడు... వైసీపీ ఎంపీలు, ఎమ్మెల్యేలను టీడీపీలో చేర్చుకోవడం, అనైతికం, అధర్మమని ప్రతిపక్ష నేత వైఎస్. జగన్ అరిచి గీపెట్టినా, టీడీపీ నేతలు పట్టించుకోలేదు. అభివృద్ధి కోసం పార్టీ మారామని అప్పటిలో వైసీపీ ప్రజా ప్రతినిధులు చెప్పారు.
  • నేడు... బీజేపీ నుంచి తమపై ఒత్తిడి లేదని, ఏపీ అభివృద్ధి కోసమే తాము పార్టీ మారుతున్నమని ఇప్పుడు కాషాయ కండువా కప్పుకున్న టీడీపీ రాజ్యసభ ఎంపీలు కారణం చూపుతున్నారు.

 

e-max.it: your social media marketing partner

బద్దలైన కాంగ్రెస్ కోట

ప్రతిష్ఠాత్మక హుజూర్ నగర్ ఉప ఎన్నికలో టీఆర్ఎస్ ప్రభంజనం సృష్టించింది. ఆ పార్టీ అభ్యర్థి సైదిరెడ్డి ఎవరూ ఊహించన...

మహారాష్ట్ర ఎన్నికల్లో టీఆర్‌ఎస్‌ పోటీ

హైదరాబాద్: త్వరలో జరగనున్న మహారాష్ట్ర అసెంబ్లీ ఎన్నికల్లో టీఆర్‌ఎస్‌ పోటీ చేయనున్నట్లు తెలుస్తోంది. మహారాష్ట్ర...

బలవంతపు భూ సేకరణ జీవోను రద్దు చేయండి... సీఎం జగన్ కు ఎమ్మెల్యే లేఖ

గుంటూరు: మంగళగిరి ఎమ్మెల్యే ఆళ్ల రామకృష్ణా రెడ్డి సీఎం జగన్ కు బహిరంగ లేఖ రాశారు. చంద్రబాబు ప్రభుత్వం జారీ చేస...

పశ్చిమగోదావరి జిల్లాలో ప్రేమోన్మాది ఘాతుకం...

పశ్చిమగోదావరి: జిల్లాలోని పోడూరు మండలం కవిటం గ్రామంలో దారుణం జరిగింది. తన ప్రేమను ఒప్పుకోలేదని ఓ యువతిపై ప్రేమ...

యూనియన్ల విష కౌగిలి నుంచి బయట పడితేనే... -సీఎం కేసీఆర్

ఆర్టీసీ యూనియన్ల విష కౌగిలి నుంచి బయటపడిప్పుడే కార్మికులకు భవిష్యత్తు అన్నారు తెలంగాణ సీఎం కేసీఆర్. కార్మికులు...

నేను కాదు... ఆర్టీసీని ఎవరూ కాపాడలేరు -కేసీఆర్

ఈ దేశంలో తెలంగాణయే కాదు... ఏ ఆర్టీసీని కూడా ఎవరూ కాపాడలేరని కుండబద్దలు కొట్టారు తెలంగాణ సీఎం కేసీఆర్.

అమెరికాలో ‘హౌడీ మోదీ’ హీట్...

అమెరికాలో ‘హౌడీ మోదీ’ హీట్...

హౌస్టన్: ‘హౌడీ మోదీ’ మెగా ఈవెంట్‌కు రంగం సిద్ధమైంది. మరికొద్ది గంటల్లో హౌస్టన్ వేదికగా 'హౌడీ మోదీ' ఈవెంట్ ప్రా...

ట్రంప్ తో మోడీ కీలక భేటీ...

ఫ్రాన్స్: చర్చల ద్వారానే భారత్ - పాక్ దేశాలు సమస్యలు పరిష్కరించుకోవాలన్నారు అమెరికా అధ్యక్షుడు ట్రంప్. ఫ్రాన్స...

తెలంగాణ సీఎస్ కి, ఆర్టీసీ ఎండీకి.. బీసీ కమిషన్‌ నోటీసులు

ఢిల్లీ: ఆర్టీసీ సమ్మెపై తెలంగాణ సీఎస్ ఎస్‌కే జోషి, ఆర్టీసీ ఎండీకి జాతీయ బీసీ కమిషన్ నోటీసులు పంపింది. వ్యక్తిగ...

మహారాష్ట్ర, హర్యానలో ముగిసిన ఎన్నికల ప్రచారం...

మహారాష్ట్ర, హర్యానలో ముగిసిన ఎన్నికల ప్రచారం...

ముంబై: మహారాష్ట్ర, హర్యాన అసెంబ్లీ ఎన్నికలకు నేటి సాయంత్రంతో ప్రచారం ముగిసింది. మహారాష్ట్రలో 288 అసెంబ్లీ నియో...

మంచిర్యాలలో NIA సోదాలు...

మంచిర్యాల: జిల్లా నడిబొడ్డున NIA అధికారులు ఆకస్మిక సోదాలు చేశారు. నిన్న(శుక్రవారం) మంచిర్యాల బస్ స్టాండ్ ఎదురు...

తెలంగాణ బంద్ ప్రశాంతం... పలుచోట్ల రాళ్ల దాడి

హైదరాబాద్: తెలంగాణ ఆర్టీసీ కార్మికులు చేపట్టిన రాష్ట్రబంద్ నేతల అరెస్టులతో పలు చోట్ల ఉద్రిక్తంగా మారింది. బంద్...

పవన్ కళ్యాణ్ తిరిగి సినిమాల్లోకి?

జనసేన అధినేత పవన్ కళ్యాణ్ తిరిగి సినిమాల్లోకి రీ ఎంట్రీ ఇవ్వడం ఖాయంగా కనిపిస్తోంది. గత అసెంబ్లీ ఎన్నికల్లో 175...

'సైరా' చూడండి... గవర్నర్ కి మెగాస్టార్ విన్నపం

'సైరా' చూడండి... గవర్నర్ కి మెగాస్టార్ విన్నపం

హైదరాబాద్: తెలంగాణ గవర్నర్ తమిళిసైసౌందర్ రాజన్ తో మెగాస్టార్ చిరంజీవి సమావేశమయ్యారు. ఈ సందర్భంగా తాను నటించిన...

రోహిత్ శర్మ సెంచరీ... పటిష్ట స్థితిలో భారత్

రోహిత్ శర్మ సెంచరీ... పటిష్ట స్థితిలో భారత్

రాంచీ: దక్షిణాఫ్రికాతో జరుగుతున్న మూడో టెస్టులో ఓపెనర్ రోహిత్ శర్మ సెంచరీ సాధించాడు. తొలి టెస్ట్ రెండు ఇన్నింగ...

మూడో టెస్టులో ఆచూతూచి ఆడుతున్న భారత్...

మూడో టెస్టులో ఆచూతూచి ఆడుతున్న భారత్...

రాంచీ: సౌతాఫ్రికాతో రాంచీలో జరుగుతున్న మూడవ (చివరి) టెస్టులో భారత్ తడబడింది. తొలి రెండు టెస్టుల్లో సెంచరీలతో ర...

హైటెక్స్‌లో మూడు రోజుల పాటు ట్రెడా ప్రాపర్టీ షో...

హైదరాబాద్‌: నగరంలోని మాదాపూర్ హైటెక్స్‌లో ట్రెడా ప్రాపర్టీ షోని మంత్రి వేముల ప్రశాంత్‌ రెడ్డి ఈ రోజు ప్రారంభిం...

ఆర్థిక రంగానికి ఊతం... కొత్త ఆర్ధిక సంస్కరణలు: నిర్మలా సీతారామన్

ఢిల్లీ: దేశంలో ఆర్ధిక వృద్ధి ఆశించిన స్థాయిలోనే ఉందన్నారు కేంద్ర ఆర్థిక మంత్రి నిర్మలా సీతారామన్. ఆర్ధిక మాంద్...