chandrababu national politics

చంద్రబాబు వ్యహ చతురత ఈ కాలంలోనే ప్రజలకు బాగా తెలిసింది. అది 2004 నుంచి 2014 ఎన్నికల వరకు చంద్రబాబు ఊహించని సవాళ్లను ఎదుర్కొన్నాడు. ఐదేళ్లపాటు సీఎం హోదాలో ఉంటూ వైఎస్ రాజశేఖరరెడ్డి నుంచి ఎదురైన రాజకీయ ఒత్తిళ్లను తట్టుకోవడం ఓ ఎత్తైతే, 2009 ఎన్నికల నాటికి పార్టీలో అసమ్మతి సెగ, చిరంజీవి పీఆర్పీని ప్రారంభించడం..ఇలా చంద్రబాబును వరుసగా సమస్యలు చుట్టుముట్టాయి. వీటిని తట్టుకుని నిలబడాలనుకుంటున్న తరుణంలో పార్టీలోని నేతల ఒత్తడితో 2009 టీఆరెస్ తో పొత్తు పెట్టుకోవడం, దాని ప్రభావంతో  తెలుగుదేశం పార్టీ ఓటమిని చవిచూడటంతో టీడీపీ భవిష్యత్తు అగమ్య గోచరంగా మారిందన్న వాదన వినిపించింది. మళ్లీ ప్రతిపక్షంలో కూర్చోవడంతో పార్టీని ముందుకు తీసుకెళ్లడం చంద్రబాబుకు కత్తిమీద సాములా మారింది. ఇలాంటి తరుణంలో రాష్ట్ర విభజన డిమాండ్ ఉధృతమవడంతో విభజనకు అనుకూలంగా టీడీపీ నిర్ణయాన్ని ప్రకటించాల్సిన అనివార్యత ఏర్పడింది. ఈ సమస్యలను అధిగమిస్తూనే ప్రజల్లో టీడీపీ పట్ల ఉన్న అభిమానం తగ్గకుండా ఉండేందుకు చంద్రబాబు 62 ఏళ్ల వయస్సులో దాదాపు మూడు వేల కిలోమీటర్ల వరకు పాదయాత్ర చేసి పార్టీ కార్యకర్తల్లో కొత్త ఉత్సాహాన్ని నింపారు. ఇక రాష్ట విభజన తర్వాత జరిగిన పరిణామాలను అనుకూలంగా మలుచుకోవడంలోనూ చంద్రబాబు సక్సెస్ అయ్యారు.       

 

రాజకీయాల్లో ఎక్కడ నెగ్గాలో కాదు ఎక్కడ తగ్గాలనే విషయం కూడా చంద్రబాబుకు బాగా తెలుసు. తనకు ఎంత అనుభవం ఉన్నా, పరిస్ధితులు, అవసరాలకు అనుగుణంగా ఎదుటి వారిని కలుపుకుని వెళ్లేందుకు చంద్రబాబు ఏమాత్రం భేషజాలకు పోరు. అందుకే 2014 ఎన్నికల సమయంలో జనసేన అధినేత పవన్ కళ్యాణ్ నివాసానికి స్వయంగా వెళ్లి, ఆయనతో పొత్తు కుర్చుకున్నారు. పవన్ కళ్యాణ్ ఇంటికి చంద్రబాబు వెళ్లి తన స్ధాయిని దిగజార్చుకున్నారని పలువురు టీడీపీ సానుభూతిపరులు అప్పట్లో విమర్శలు గుప్పించారు. ఎన్నికల ఫలితాలు వచ్చాక చంద్రబాబు తీసుకున్న నిర్ణయంతో తూర్పు, పశ్చిమ గోదావరి జిల్లాల్లో టీడీపీ విజయావకాశాలు ఏరకంగా మెరుగుపడ్డాయో అందరికీ అర్ధమైంది. చంద్రబాబు ఓ మెట్టు దిగి, పవన్ కళ్యాణ్ నివాసానికి వెళ్లడం వల్లే ఎన్నికల ముఖచిత్రం ఒక్కసారిగా మారిపోయింది. పవన్ కళ్యాణ్ తో పొత్తు ఓ ఎత్తైతే, బీజేపీతో విభేదాలను పక్కనపెట్టి కమలనాధులతో జట్టుకట్టేందుకు చంద్రబాబు సిద్ధపడటం మరో కీలక మలుపు. జాతీయ స్ధాయిలో మోడీకి అనుకూల పవనాలు వీస్తున్నాయని గ్రహించిన చంద్రబాబు రాష్ట్ర విభజనకు కారణమైన కాంగ్రెస్ కు గుణపాఠం నేర్పేందుకు బీజేపీతో సయోధ్య కుదుర్చుకున్నారు. ఇలా చివరి క్షణంలో చంద్రబాబు చక్రం తిప్పడంతో ఏపీ జనం టీడీపీకి నీరాజనం పట్టారు.

2014 ఎన్నికల్లో చంద్రబాబు గెలిచి ముఖ్యమంత్రి అయ్యారంటే, కేవలం ఆయన వ్యూహం ఫలించడమే కాదు,  హైదరాబాద్ తరహాలో ఏపీ రాజధానిని  కూడా అభివృద్ధి చేస్తారని ఏపీ ప్రజలు ఆయన మీద నమ్మకంతో ఓట్లు వేసి తమ మద్దతును తెలిపారు. ప్రజల నమ్మకాన్ని వమ్ముచేయకూడదన్న ఉద్దేశం చంద్రబాబు శక్తి వంచన లేకుండా ఏపీ అభివృద్ధికి కృషి చేస్తున్నారు. ఎన్నికల్లో గెలిచి, ఏపీని ఏదో రకంగా అభివృద్ధి చేయాలని ప్రయత్నిస్తున్న తరుణంలో ఓటుకు నోటు కేసు చంద్రబాబుకు అశనిపాతంగా మారింది. కానీ ఆ దెబ్బ నుంచి వేగంగా కోలుకుని, పొరుగు రాష్ట్రమైన తెలంగాణ సీఎంతో ఉన్న విభేదాలకు చంద్రబాబు స్వస్తి పలికారు. కేసీఆర్ కు సన్నిహితంగా మెలుగుతూ నాలుగున్నరేళ్లు చంద్రబాబు హుందాగా ప్రవర్తించారు. పొరుగు రాష్ట్రంతో తలెత్తిన సమస్యలను కొలిక్కి తేవడంతో పాటూ విభజన హామీలను సాధించేందుకు చంద్రబాబు లెక్కలేనన్ని సార్లు ఢిల్లీ చుట్టూ ప్రదక్షిణలు చేశారు. ఇబ్బందుల్లో ఉన్న ఆంధ్రప్రదేశ్ రాష్ట్రాన్ని ఆదుకోమని ప్రధానితో పాటూ కేంద్రం మంత్రుల వద్ద ప్రాధేయపడ్డారు. కానీ చంద్రబాబు మిత్రధర్మంతో ఇచ్చిన చనువుని ఆసరాగా తీసుకుని మోదీ సర్కారు ప్రత్యేక హోదాను అటకెక్కించి, ప్రత్యేక ప్యాకేజీ పేరుతో కొత్త నాటకానికి తెరతీసింది. ఏ పేరైనా ఫర్వాలేదు, తమ రాష్ట్రానికి విభజన హామీల అమలుకు నిధులు వస్తే చాలని చంద్రబాబు ప్రత్యేక ప్యాకేజీకి ఒప్పుకున్నారు. కానీ ఈ విషయంలోనూ కేంద్రం ఇచ్చిన హామీకి కట్టుబడకపోవడంతో చంద్రబాబు తన రెండో ఫేస్ ను కమలనాధులకు చూపాల్సి వచ్చింది. ఎన్డీఏ కూటమి నుంచి బయటపడటమే కాదు. పార్లమెంటు వేదికగా మోదీ సర్కారుపై అవిశ్వాస తీర్మానం ప్రవేశపెట్టి, ఏపీ ప్రజలకు కేంద్రం నమ్మక ద్రోహం చేసిందనే విషయాన్ని యావత్తు దేశానికి చాటి చెప్పడంలో చంద్రబాబు సక్సెస్ అయ్యారు.      

 మోదీ సర్కారుపై ధిక్కార స్వరం వినిపించిన రోజు నుంచి చంద్రబాబు కేంద్ర ప్రభుత్వానికి, బీజేపీకి టార్గెట్ అయ్యారు. ఓటుకు నోటు కేసును అడ్డం పెట్టుకుని బెదిరించాలనుకోవడంతో పాటూ ఇన్ కం ట్యాక్స్, సీబీఐ, ఈడీలను బూచిగా చూపి, తమిళనాడులో అన్నాడీఎంకేను లొంగదీసుకున్న విధంగా చంద్రబాబును కూడా దారిలోకి తెచ్చేందుకు కమలనాధులు శతవిధాల ప్రయత్నాలు చేస్తున్నారు కానీ, వాళ్లు పప్పులు ఉడకడం లేదు. తనను కట్టడి చేసేందుకు బీజేపీ హైకమాండ్ ఎన్ని ప్రయత్నాలు చేస్తున్నా, వాటిని ఓ వైపు హ్యాండిల్ చేస్తూనే మరోవైపు జాతీయ రాజకీయాల్లో మోదీ వ్యతిరేక కూటమిని ఏర్పాటు చేసేందుకు చంద్రబాబు వేగంగా పావులు కదుపుతున్నారు. కర్ణాటక ఎన్నికల ద్వారా ఈ ప్రయత్నానికి శ్రీకారం చుట్టుడం, ఆ ప్రయత్నం ఫలించడంతో చంద్రబాబు ఇమేజ్ జాతీయ స్ధాయిలో ఒక్కసారిగా పెరిగిపోయింది. కర్ణాటక ముఖ్యమంత్రిగా కుమారస్వామి ప్రమాణ స్వీకార కార్యక్రమానికి చంద్రబాబు హాజరైన సందర్భంలో ఆయనకు జాతీయ పార్టీ నేతల నుంచి అనూహ్య స్పందన లభించింది. అదే వేదికపై కాంగ్రెస్ చీఫ్ రాహూల్ తో చంద్రబాబు కరచాలనం చేయడం కొసమెరుపు. ఇలా మారుతున్న పరిస్ధితులకు అనుగుణంగా ఎప్పటికప్పుడు వ్యూహాలను మారుస్తూ ప్రజల నాడికి తగ్గట్టు పావులు కదపే చంద్రబాబు ఈసారి ఎన్నికల్లో కాంగ్రెస్ తో చేతులు కలిపారు. 

 

కాంగ్రెస్ టీడీపీల మధ్య మైత్రి కుదరడానికి తెలంగాణ ఎన్నికల్లో బీజం పడంది. రెండు పార్టీలకు ఉమ్మడి శత్రువుగా ఉన్న టీఆరెస్ ను మట్టికరిపించేందుకు కాంగ్రెస్, టీడీపీలు జట్టుకట్టేందుకు సై అంటున్నాయి. నిన్నటి వరకు తెలంగాణలో టీడీపీ పని అయిపోయిందనుకున్న వారంతా గత నెల రోజుల పరిణామాలను చూశాక, మళ్లీ తెలుగుదేశం కీలక పాత్ర పోషిస్తుందన్న అభిప్రాయం వ్యక్తం చేస్తున్నారు. తెలంగాణలో చచ్చిపోయిందనుకున్న కాంగ్రెస్ కు అన్నీ విధాల ఆక్సిజన్ ఇస్తున్నందువల్లే చంద్రబాబును కేసీఆర్ టార్గెట్ చేస్తున్నారని తెలంగాణ ఆపద్ధర్మ మంత్రి కేటీఆర్ తన మనసులోని మాటను బయటపెట్టారు. దీన్నిబట్టి చంద్రబాబు ఎంత సైలెంట్ గా ఉంటే ఆయన నిర్ణయాలు ఎంత వైలెంట్ గా ఉంటాయో అర్ధం చేసుకోవచ్చు. కాంగ్రెస్ లతో కుదిరిన ఈ మైత్రి కేవలం తెలంగాణ ఎన్నికలకే పరిమితం కాకుండా జాతీయ స్ధాయిలో మోదీని గద్దె దించే వ్యూహంతో ముందుకు సాగాలన్నది చంద్రబాబు లక్ష్యం. అందుకే మూడున్నర దశాబ్దాల వైరాన్ని పక్కనబెట్టి రాహుల్ గాంధీ నివాసానికి వెళ్లి చంద్రబాబు స్నేహ హస్తం అందించారు. కాంగ్రెస్ ను కనుమరుగు చేసే లక్ష్యంతో పుట్టిన టీడీపీ తన సిద్ధాంతాలకు తిలోదకాలిచ్చిందిన్న ప్రత్యర్ధుల విమర్శలను సైతం లెక్కచేయకుండా చంద్రబాబు తెగించి ఈ నిర్ణయం తీసుకున్నారు. దీంతో ఇప్పుడు జాతీయ రాజకీయం చంద్రబాబు చుట్టూ తిరుగుతోంది. ఇక్కడ మరో హైలైట్ అంశం ఏమిటంటే, కాంగ్రెస్ తో విభేదించి ఒంటరి పోటీకి సిద్ధపడిన మాయావతిని సైతం మళ్లీ దారిలోకి తెచ్చేందుకు బాబు చేసిన ప్రయత్నం ఫలించింది. దీంతో బీజేపీయేతర పక్షాలను ఒకే వేదిక మీదకు తెచ్చే బాధ్యతను రాహూల్ గాంధీ చంద్రబాబుకు అప్పగించారన్న వాదన వినిపిస్తోంది.

చాలా ఏళ్ల తర్వాత చంద్రబాబుతో కలిసి ఓ కూటమి తరపున పనిచేసే అవకాశం రావడంపై వివిధ పార్టీలకు చెందిన నేతలు హర్షం వ్యక్తం చేస్తున్నారు. ఓ పక్క ఈ అభినందనలు వెల్లువెత్తుతుంటే, మరోవైపు చంద్రబాబు నాయుడు అవకాశవాద రాజకీయాలు చేస్తున్నారని ఆయన ప్రత్యర్ధులు విమర్శలు గుప్పిస్తున్నారు. ఈ విమర్శలు చేసే వారు ఓ విషయాన్ని గుర్తించాలి. ఎవ్రి థింగ్ ఈజ్ ఫెయిర్ ఇన్ వార్ అండ్ లవ్ అనే ఆంగ్ల సామెతకు తగ్గట్టు సందర్భానికి అనుగుణంగా చంద్రబాబు ఎత్తులకు పైఎత్తులు వేస్తుంటారు. ఈ వ్యూహాలు కొన్నిసార్లు సక్సెస్ కావచ్చు, కొన్నిసార్లు బెడిసి కొట్టొచ్చు. ఆ లాజిక్ మరచిపోయి, చంద్రబాబు ఏం చేయాలో ఎలాంటి వ్యూహాలను అనుసరించాలో ఆయన ప్రత్యర్ధులు ఎలా నిర్దేశిస్తారు? రాజకీయాల్లో ఉన్న గజకర్ణ, గోకర్ణ, టక్కుటమార విద్యలన్నిటినీ బాగా వంటబట్టించుకోవడం వల్లే ఉమ్మడి ఆంధ్రప్రదేశ్ లో ఎక్కువ కాలం సీఎంగా పనిచేసిన రికార్డును చంద్రబాబు సొంత చేసుకోగలిగారు. వైస్ రాజశేఖరరెడ్డితో పాటూ ఆయన తనయుడితో కూడా సై అంటే సై అని తొడకొట్టగలుగుతున్నారు. నిత్యం చంద్రబాబును విమర్శించడానికి బదులు ఆయనలోని ప్లస్ పాయింట్లను కొన్నింటిని ఫాలో అయినా ఈపాటికి జగన్ మంచి ప్రతిపక్షనేతగానైనా గుర్తింపు పొందేవారని తెలుగుతమ్ముళ్లు సెటైర్లు వేస్తుంటారు. మొత్తంమీద తన సుదీర్ఘ రాజకీయ అనుభవంతో చంద్రబాబు వేస్తున్న అడుగులు వచ్చే ఎన్నికల్లో ఏమేరకు ఫలిస్తాయో వేచి చూడాలి.

e-max.it: your social media marketing partner

పార్టీ మార్పుపై విజయశాంతి సంచలన ప్రకటన...

హైదరాబాద్: కాంగ్రెస్ పార్టీ ప్రచార కమిటీ చైర్‌పర్సన్ విజయశాంతి తన పార్టీ మార్పు విషయంపై ఈ రోజు ఓ సంచలన ప్రకటన...

బోండా ఉమా పార్టీ మార్పుపై... బుద్ధా వెంకన్న మాట

అమరావతి: టీడీపీ అధినేత చంద్రబాబు నివాసంలో ఆ పార్టీ నేత బోండా ఉమ సమావేశమయ్యారు. ఇటీవల సోషల్ మీడియాలో ఉమ

విజయసాయి రెడ్డి ఒక కౌన్‌ కిస్కా గొట్టం...

విజయవాడ: వైసీపీ ఎంపీ విజయసాయి రెడ్డి ఒక కౌన్‌ కిస్కా గొట్టం... అతని మాటలకు విలువలేదు అంటూ తీవ్రస్థాయిలో మండిపడ...

రాజధాని మార్పుపై ఎంపీ విజయసాయి కీలక వ్యాఖ్యలు

ఢిల్లీ: ఏపీ సీఎం జగన్‌ ఏ నిర్ణయం తీసుకున్నా ప్రధాని మోడీ, కేంద్ర హోంమంత్రి అమిత్‌షాలను సంప్రదించే తీసుకుంటున్న...

2021 జనాభా లెక్కలకు నోటిఫికేషన్‌ విడుదల

హైదరాబాద్‌: 2021 జనాభా లెక్కలకు కేంద్ర ప్రభుత్వం అన్ని ఏర్పాట్లు చేస్తోంది. ఈ మేరకు 2020 ఏప్రిల్‌ 1వ తేదీ నుంచ...

భయంతో ఇంటికెళ్ళాను... కారు ప్రమాదంపై రాజ్ తరుణ్ క్లారిటీ

హైదరాబాద్: తన కారు ప్రమాదంపై హీరో రాజ్ తరుణ్ క్లారిటీ ఇచ్చారు. సోమవారం అర్ధ‌రాత్రి మణికొండ మున్సిపాలిటీ పరిధిల...

సంజౌతా, థార్ ఎక్స్‌ప్రెస్ లను ఆపేసిన పాక్...

ఇస్లామాబాద్: ఆర్టికల్ 370 ని రద్దుపై అసహనంగా ఉన్న పాకిస్తాన్, సంజౌతా ఎక్స్‌ప్రెస్‌ను నిలిపివేస్తూ నిర్ణయం తీసు...

ఆర్టికల్ 370 రద్దు చట్ట వ్యతిరేకం... పాకిస్థాన్

ఇస్లామాబాద్‌: జమ్ము కాశ్మీర్ లో భారత ప్రభుత్వం చేసిన ఆర్టికల్ 370 రద్దు చట్టవ్యతిరేకమంటూ పాకిస్థాన్‌ విదేశాంగ...

చిదంబరం ఏ క్షణమైన అరెస్ట్...

ఢిల్లీ: కాంగ్రెస్ సీనియర్ నేత, మాజీ కేంద్ర ఆర్ధికమంత్రి పి. చిదంబరం అరెస్ట్ అవడం ఖాయంగా కనిపిస్తోంది. ఐఎన్ఎక్స...

కోర్టు ఎదుట సీఎం మేనల్లుడు...

ఢిల్లీ: మధ్యప్రదేశ్ సీఎం కమల్‌నాథ్ మేనల్లుడు రతుల్ పురి ఈ రోజు కోర్టు ఎదుట హాజరుకానున్నారు. గతంలో ఆయన సెంట్రల్...

చిదంబరానికి సుప్రీం షాక్...

ఢిల్లీ: కేంద్ర మాజీ మంత్రి, కాంగ్రెస్ సీనియర్ నాయకుడు పి. చిదంబరంకు సుప్రీం కోర్టు షాక్ ఇచ్చింది. ఐఎన్‌ఎక్స్‌...

ఈ-బీజ్ సంస్థ భారీ మోసం... ఎండీ అరెస్ట్

హైదరాబాద్: ఈ-బిజ్ సంస్థ ఎండీ పవన్ మల్హన్, ఆయన కుమారుడు హితిక్ మల్హన్‌లను సైబరాబాద్ పోలీసులు అరెస్టు చేశారు. మల...

ఉత్తమ జాతీయ తెలుగు చిత్రంగా... ‘మహానటి’

ఉత్తమ జాతీయ తెలుగు చిత్రంగా... ‘మహానటి’

ఢిల్లీ: కథానాయిక సావిత్రి జీవిత కథ ఆధారంగా తెరకెక్కిన ‘మహానటి’ చిత్రానికి ఉత్తమ జాతీయ చలన చిత్ర అవార్డు వరించి...

కాజల్ తో డేటింగ్... రూ.60 లక్షలు పోగొట్టుకున్న అభిమాని

కాజల్ తో డేటింగ్... రూ.60 లక్షలు పోగొట్టుకున్న అభిమాని

చెన్నై: తన అభిమాన హీరోయిన్ కాజ‌ల్ ని కలవడం కోసం తమిళనాడుకు చెందిన ఓ వీరాభిమాని ఏకంగా రూ.60 ల‌క్ష‌లు పోగొట్టుకు...

భారత క్రికెట్‌ను దేవుడే కాపాడాలి: గంగూలీ

ఢిల్లీ: ఇక భారత క్రికెట్‌ను దేవుడే కాపాడాలన్నారు టీమిండియా మాజీ కెప్టెన్‌ గంగూలీ. రాహుల్‌ ద్రవిడ్‌కు బీసీసీఐ అ...

పట్టుబిగించిన ఇంగ్లాండ్... వరల్డ్ కప్ ఫైనల్

లండన్: లార్డ్స్ మైదానంలో ఇంగ్లండ్‌ vs న్యూజిలాండ్ జట్ల మధ్య జరుగుతున్న ఐసీసీ వరల్డ్ కప్ 2019 ఫైనల్ మ్యాచ్‌లో ఇ...

రూపాయి పతనం

ముంబై: డాలరుతో రూపాయి మారకపు విలువ భారీగా పడిపోయింది. ప్రస్తుతం రూపాయి విలువ ఒక డాలరుతో రూ.71.23 వద్ద కొనసాగుత...

భారీగా వడ్డీ రేట్లు తగ్గించిన ఆర్బీఐ

ఢిల్లీ: ఆర్‌బీఐ వరుసగా నాలుగో సారి రెపో రేటును తగ్గించింది. 35 బేసిస్‌ పాయింట్ల మేర భారీగా తగ్గిస్తూ ప్రకటన వె...