ఆంధ్రప్రదేశ్

Details: Created: 26 May 2018; Hits: 49

tdp government giving pensions to kidney victims

కిడ్నీ రోగులకు పింఛన్లు ఇస్తున్న ఏకైక రాష్ట్రం ఏపీనే అని చంద్రబాబు కొనియాడారు. 13 వేల మందికి క్రమం తప్పకుండా చికిత్స అందిస్తున్నామని, ప్రతి 15రోజులకు నెఫ్రాలజిస్ట్ ద్వారా వైద్య సేవలు అందిస్తున్నామని చంద్రబాబు తెలిపారు. పలాస, సోంపేట, పాలకొండ, టెక్కలిలో డయాలసిస్ కేంద్రాలు ఏర్పాటుచేశామని, రూ.17కోట్లతో 7 ఆర్వో సెంటర్లు ఏర్పాటు చేశామన్నారు. అంతేగాక సీకేడీ కేసుల కోసం సోంపేటలో ప్రయోగశాల ఏర్పాటు చేశామని వివరించారు. ఉద్దానం కిడ్నీ రోగుల సమస్యలపై ముఖ్యమంత్రి చంద్రబాబునాయుడు సంబంధిత అధికారులతో శనివారం సమీక్ష నిర్వహించారు ఈ సందర్బంగా చంద్రబాబు మీడియాతో మాట్లాడారు.

నెగటివ్ ధోరణులు రాష్ట్ర అభివృద్ధికి నష్టం చేస్తాయన్నారు. గత ప్రభుత్వాలు ఈ విధంగా వైద్యసేవలు అందించాయా? అని ప్రశ్నించారు. టిడిపి ప్రభుత్వం ఇంతగా ప్రజలకు వైద్య సేవలు అందిస్తే అభినందించేది పోయి విమర్శించడం సిగ్గుచేటు అన్నారు. పనిచేసేవాళ్లపైనే విమర్శలు చేస్తూ ఏ విధమైన సంకేతాలు ప్రజల్లోకి పుంపుతున్నారు? అంటూ చంద్రబాబు అసహనం వ్యక్తం చేశారు.