తిరుమలలో భక్తుల రద్దీ సాధారణంగా ఉంది. శ్రీవారి దర్శనానికి భక్తులు క్యూలైన్లలో వేచి ఉన్నారు. శ్రీవారి సర్వదర్శనానికి 5 గంటల సమయం, నడకదారిన వచ్చే భక్తులకు, ప్రత్యేక దర్శనానికి 2 గంటల సమయం పడుతోంది.

శ్రీకాళహస్తిలో వైభవంగా రాజగోపుర కుంభాభిషేక పూజలు జరుగుతున్నాయి. రెండో రోజు రుత్విక్కుల వేద మంత్రాల మధ్య రాజగోపురం వద్ద పరమేశ్వరుడికి పంచామృతాలు, వివిధ రకాల పండ్ల రసాలు, మంగళ ద్రవ్యాలతో అభిషేకాలు నిర్వహిస్తున్నారు. నవయుగ సంస్ధ రాజగోపుర నిర్మాణ పనులను చేపట్టింది.

 

చిత్తూరు జిల్లా శ్రీకాళహస్తిలో కొత్తగా నిర్మించిన గాలిగోపురాన్ని పూజాది కార్యక్రమాలతో ప్రారంభించారు. గతంలో గాలి వాన హోరుతో కూలిన నాటి పాత కాలపు గాలిగోపునానికి మరమ్మత్తులు చేసి ప్రత్యేక పూజలు చేసి పున ప్రతిష్టించారు. ఆ కైలాసనాధుని శివలింగాన్ని ఉంచి మరీ దేవాదాయ శాఖ పూజలు చేసింది. ఈ సందర్భంగా శాస్త్రోక్తంగా వేదపండితులు పూజాది కార్యక్రమాలను నిర్వహించారు.

 

యాదాద్రి ఆలయ విస్తరణ పనులు శాస్త్ర విరుద్ధంగా జరుగుతున్నాయని భక్తులు ఆవేదన వ్యక్తం చేస్తున్నారు. కొండగుహలో స్వయం భూపంచ నరసింహులు క్షేత్ర పాలకుడు ఆంజనేయస్వామి ఆలయాలను యధాతధంగా ఉంచుతూనే పునర్ నిర్మాణం చేపట్టాలని స్వయంగా త్రిదండి చినజీయర్ స్వామి సూచించారు. కానీ క్షేత్రస్థాయిలో పనులు అందుకు విరుద్ధంగా జరుగుతున్నాయని భక్తులు, వాస్తు పండితులు మండిపడుతున్నారు. క్షేత్ర కొండగుహలో గండబేరుండ లక్ష్మినరసింహ స్వామితో పాటు క్షేత్రపాలకుడు ఆంజనేయ స్వామి స్వయంభుగా ఉన్నారు. కానీ, బాంబు బ్లాస్టింగ్ లో ఆంజనేయస్వామికి పెచ్చు ఉడింది. గర్భాలయంలో ఆనుకుని ఉన్న దీపం గుండును కూడా డ్రిల్లింగ్ జరిపారు. దాంతో ఒకటిగా ఉన్న ఆంజనేయస్వామి, గండబేరుండ స్వామి వెలిసిన రాతిశిలలు రెండు విడిపోయాయి. దాంతో మేలుకోన్న అధికారులు రెండు రాతిశిలలను జాయింట్ చేస్తు ఇనుప రాడ్లతో తాత్కాలిక ఏర్పాట్లు చేశారు. అయితే రాతిశిలలు విడిపోవడం అరిష్టమని ఆగమ, వాస్తు పండితులు గగ్గోలు పెడుతున్నారు. 

ఆన్ లైన్ లో ఆవు పేడ పిడకలు

పిడకలు ఒకప్పుడు పల్లె సంస్కృతికి నిదర్శనాలు. కానీ ఇప్పుడు ఆన్ లైన్ వ్యాపార సంస్థలకు కాసులు కురిపించే కల్పవృక్షాలు.